1 : Ny atao hoe Tranoben'ny Tantsaha
Ny TRANOBEN'NY TANTSAHA fehezin'ny hitsivolana 93.021 sy ireo didim-panjakana 98.469 sy 2002-1198 dia , antokon-draharaham-panjakana miendrika fandraharahana sahan'ny olon-tsotra sy fikambanana mizaka zo aman'andraikitra fehezin'ny lalàna malagasy ary manao ho antom-pivelomana ny asa fanao ho fampiroboroboana ny eny ambanivohitra misy eto Madagasikara.

2 : Asa sahaniny
Ny TRANOBEN'NY TANTSAHA dia :

1°) Misolotena ny Tantsaha rehetra eto Madagasikara amin'ny fifandraisana amin'ny mpitondra Fanjakana
2°) Filan-kevi-mpanjakana mikasika ny tombontsoan'ny tontolon'ny Famokarana Ambanivohitra
3°) Rafitra ahafahana mifanakalo hevitra sy mampifandray ireo manao ho anton'asa ny fampandrosoana ny eny ambanivohitra, na teratany, na vahiny
4°) Mamolavola sy mandroso soso-kevitra mikasika ny tontolo ambanivohitra
5°) Mandray anjara amin'ny famolavolana sy ny fanatanterahana ary ny fanjohiana ireo drafi-pampandrosoana eo anivon'ny firenena sy ny faritra
6°) Mikaroka ireo lalam-barotra sy manadihady ary manao izay hahitana tombontsoa eo amin'ny tsenam-barotra anatiny sy ivelany ireo vokatry ny Famokarana
7°) Manomana ny fandraisana anjara amin'ny Tsenabe, fampirantiana sy fihetsiketsehana ara-toekarena eo anivon'ny faritra, ny firenena na iraisam-pirenena.
8°) Manolo-kevitra amin'ny fiarovana ny vokatra eto an-toerana
9°) Mandray anjara amin'ny fanangom-baovao ny antonta torohay ary manapariaka azy

MIVERINA