NY TANJONA TRATRARINA

Anisan'ny fitaovam-pamokaran'ny tantsaha ary toky ny fahazoana vokatra tsara sy fampandrosoana na lalam-barotra ho fampitomboana ny farim-piainan'ny ny tambajotra fitarihan-drano sy fanariandrano.

Ny Minisisteran'ny Fambolena, ny Fiompiana ary ny Jono sy ny mpiara-miombon'antoka aminy ho fampandrosoana ny eny ambanivohitra dia manentana indray ny Fikambanan'ny Mpampiasa Rano (FMR) eran'ny Madagasikara mba samy handray ny andraikiny tanteraka hiadiana amin'ny fahantrana.

 

NY ZAVA-MISY

- Velaran-tany itarihan-drano manerana ny nosy : 1.090.000 ha
- Fikambanan'ny Mpampiasa Rano nankatoavin'ny MAEP : 501
- Fikambanan'ny Mpampiasa Rano nanaovana famindram-pitantanana : 84

Mizara roa ireo tambajotra mila fikojakojana : Ny tambajotra itarihan-drano mahaleotena (autonome) sy ny tambajotra itarihan-drano iaraha-miombon'antoka (partenaire).

MISY KARAZANY FIRY NY ASA FIKOJAKOJANA ?

Mizara roa izy ireo : Ny fikojakojana fanao isan-taona ary ny Fikojakojana isaky ny taona maromaro
Misy amin'ireo asa ireo : Ny vitan'ny herin-tsandry ary ny ilàna vola

IZA NO MANAO NY FIKOJAKOJANA ?

Ny Fikambanan'ny Mpampiasa Rano no mandray an-tànana tanteraka ny fikojakojana an'ireo tambajotraitarihan-drano mahaleotena.
Ny FMR ny Fanjakana, ny Vodrom-bahoakam-paritra, ny Mpandraharaha miasa na mahazo tombotsoa amin'ny fampiasana ny tambajotra no mifarimbona amin'ny fikojakojana ny tambamajotra itarihan-drano iaraha-miombon'antoka

INONA AVY ARY IREO ASA FIKOJAKOJANA REHETRA ILAINA MBA HAMPANDEHA TSARA NY TAMBAJOTRA ?

• Ireo asam-pikojakojana mahazatra izay fantatra mialoha ny fotoana fanatanterahana azy isan-taona, ny asa vitan'ny herin-tsandry toy ny fanadiovana sy fisavasavana, na ny lakan-drano sy ny fanariandrano
• Ao koa anefa ireo asa ilana fitaovana vaventy toy ny fisavana ny renirano sy ny fanarian-drano lehibe ary ny fanondrotana na ny fanarenan-dàlana (isaky ny 3 na 5 taona na mihoatra)
• Asa vonjy rano vaky nohon'ny voina voajanahary
• Fanoloana ireo fitaovana izay voafetra ny faharetany toy ny hidin-drano madinika...

  IREO ANDRAIKITRA HAFA MIANDRY NY FMR

• Ny fitantanana ny rano: fanajana ny fifandimbiasan-drano mba hahafahan'ny tsirairay mahazo rano
• Ny fitandremana ny tambajotra: fampiharana ny Dina amin'ireo izay minia manimba na ireo tsy mety mandray andraikitra amin'ny asam-pikambanana.
• Ny fanarahana ny tekinikam-pamokarana manara-penitra sy ny fanajana ny diarim-pambolena
• Ny fitandrovana ireo sahandriaka manodidina ny tambajotra fitarihan-drano

  INONA NO METY HITRANGA RAHA TSY VOAKOJAKOJA ARA-DALANA NY TAMBAJOTRA FITARI-DRANO
  

• Ho simba sy ho potika ny tambajotra sy izay mba zava-bita
• Tsy ho voazarazara ara-dalana ny rano ka maro ny tsy hahazo izany
• Hitombo araka izany ny ady rano
• Hihena ary mety tsy hisy mihitsy ny vokatra azo
• Hihamahantra ny mpampiasa rano

  NOHO IZANY :

kojakojao ny tambajotra dia hitombo ny vokatra azonao