Ao anatin'ny Fankalazana ny Taona Iraisam-pirenena
hoan'ny vary, dia tonga nijery ny fomba fambolem-bary
eny Soavina, Fivondronana Antananarivo Atsimondrano
ny Komitin'ny Fankalazana ny Taona Iraisam-pirenena
ho an'ny vary eto amin'ny faritra Ivon'Imerina.
Raha ara-tantara dia namoka-bary indroa isan-taona
iny faritr'i Soavina, Atsimondrano iny tamin'ny mbola
" vary aloha ", nefa nohon'ny fahasimban'ny
tontolo iainana sy ny fahanteran'ny toha-drano dia
tsy ara-dalàna intsony ny fifehezan-drano,
ka lasa nirona amin'ny vary fafy nohatsaraina na vary
tsaika ny ankamaroan'ny mpamboly.
Arakaraka ny toe-tany anefa ny teknika hampiasaina
amin'ny fambolena vary, ka fambolem-bary amin'ny toerana
saro-drano ity vary tsaika ity. Tsy miandry ranon'orana
fa atao fafy raikitra. Asaina ny tany ny volana Oktobra
ary avela hilona mba hiteraka hamandona. Mamafy vary
na manatsaika ny volana Novambra, ary amin'izay fotoana
izay dia voam-bary 5 na 6 isaka ny lavaka izay mielanelana
10 ka hatramin'ny 15sm no ataon'ny mpamboly.
Kendrena mba ho amin'ny fotoana hisian'ny orana
no hanesorana vody vary matevina, ka iny nesorina
, antsoina koa hoe : saratsaika iny no haketsa amin'ny
tanimbary. mahazo rano sahaza ny vary.
Tsy mifidy karazam-bary ny fanaovana ny vary fafy
nohatsaraina. Hita izany amin'ny fatran'ny vary rehefa
tonga ny fitoam-piotazana, fa na atao vary fafy nohatsaraina
na mamafy ketsa dia samy manome 1,5taonina isaka ny
hektara ihany ny voka-bary miakatra isan-taona amin'ny
faritr'I Soavina, ao anatin'ny Fivondronana Antananarivo
Atsimondrano.
MAEP/DDP/SCID Daty: 22Aprily 2004
Rédacteur: Joane RAKOTONDRAJAONA
amin'ireo sahan'asa ireo, ny mpamatsy ara-bola , ireo
vondron'ny mpampiasa rano ( AUE ) , ireo vondrona tsy
miankina na ONG sns … Izany no natao dia nohon'ny
fahatsapan'ny Ministeran'ny Fambolena , Fiompiana ary
ny Jono fa efa betsaka ny ezaka sy ny vola nampiasaina
mikasika ny fitantanana sy ny fikojakojana ireo lemaka
voatondraka nefa ny vokatra ara-bary dia mbola tsy mahatratra
ny tanjona tian-kotratrarina.