VOLAVOLAN-KEVITRA VOKATRY NY ATRIKASA
. Atao ho fanatanterahana fandrindran'asa modely ho amin'ny fitrandrahana ara-drariny sy maharitra ny Faritra Mitsinjo (Zone pilote).
. Angatahana ny fanavaozana ny Didy Hitsivolana (Ordonnance 60-133) mamaritra ny sata mifehy ny Fikambanana (Association).
. Ny fijoroan 'ny Fikambana dia manamora ny fifanankalozankevitra sy fitadiavana lalam-bola hamatsiana ny tetik'asa izay volavolain'ny Fikambanana ary mba hisian'ny fifanaraha-maso eo amin'ny samy mpitrandraka.
. Angatahana ny fanavaozana ny lalàna mifehy ny fanjonoana an-dranomamy.
FANARATOANA:
- Tsy azo atao intsony ny mpanarato misoratra amin 'ny tenany manokana, fa tsymaintsy mambra ao amin 'ny FIKAMBANANA
   miforona ara-dalàna.
- Ahato ny fanomezan-dàlana vaovao hanarato amin 'ny farihy Kinkony sy Kamihonjo.
- Atao ny fanisana ny fitaovam-pamokarana am-perin'asa amin'izao fotoana izao.
- Manomboka amin'ny taona 2006 dia tsy maintsy 40 mm ny mason-karato ampiasaina.
FITONDRANA NY VOKATRY NY MPANARATO :
- Amporisihina ny Fikambanan'ny mpanarato mba hanao "Permis de Collecte" ahafahany mitondra sy mivarotra ny vokatra vokariny tsy misy mpanelanelana.
MATSABORY METY RITRA SY KINGA:
- Atao ny fanisana sy fanadihadiana fototra mikasika ny matsabory mety ritra sy kinga. Izany dia iarahan 'ny DPRH, SRPRH, DRDR, DDR, District, BirdLife ary ny CSP.
- Ny mambra ao amin 'ny fikambanana mijoro ara-dalàna ary mahazo fahazoan-dàlana ara-dalàna no mahazo mitrandraka ny
  matsabory mety ritra sy kinga.
- Tsy maintsy ametrahana fomba fitantanana manokana ny fitrandrahana ny matsabory mety ritra sy kinga.
FE-POTOANA FIKANTONAN'NY RANO :
- Haravona ny fe-potoana fidin'ny rano (fermeture desambra ka hatramin'ny fevrie-martsa araky ny fangatahan 'ny mpanarato).
- Ho dinihana ara-teknika ny soso-kevitra naroson'ny mpanarato momba ny fidin'ny rano.
ANTONTAN-TARATASY ILAINA AMIN'NY FITONDRANA VOKATRA :
- Vonona ny Chef de Poste Vétérinaire eto Mitsinjo hanamora ny fanomezana "Visa de conformité" hitondran'ny Collecteur ny vokatra.
  Tsy maintsy manome ny dika mitovy any amin 'ny SRPRH Mahajanga ary tsy maintsy manao tatitra isan-telovolana.
- Maimaimpoana ny fanomezana ny "Visa de conformité".
- Ny taratasy hanaovana "Visa de conformité" dia halefan'ny Foibe-pitondran'ny Jono avy any Antananarivo ary omena ny Chef de
  Poste Vétérinaire eto Mitsinjo.
FAMARITANA NY FARITRA FANJONOANA :
- Tsy maintsy faritana ny faritra atokana ho fanatodizan 'ny trondro ary hovolena Makamby (Nénuphar) izany
FITRANDRAHANA VARILAVA:
- Tsy maintsy faritana ny faritra ahazoana manarato Varilava.
- Tsy maintsy hatsaraina ny fikarakarana ny Varilava mba iantohana ny kalitaon 'ny vokatra (tsy misy fasika, tsy hitsahina rehefa
   mamatratra ny entana anaty gony,...)
MOMBA NY FANARAHA-MASO NY FANJONOANA ATAON'NY "CENTRE DE SURVEILLANCE DE PECHE" :
- Raha misy olona misava ny vokatra an-dranomamy dia tokony manao fanamiana izy ary mampiseho karatra maha mpiasan 'ny CSP azy izy sy ny " Ordre de mission ".
- Raha misy olona voasava dia tsy maintsy misy ny " Rapport d'Inspection" hatao.
  Raha misy tsy ara-dalàna dia atao ny "Procès-Verbal d'Infraction" sy "Procès- Verbal de saisie ".
- Raha misy famarotana ny vokatra " saisie " dia tsy maintsy misy ny " Procès-Verbal de Cession ".
- Ny mpiasan'ny CSP dia tsy manana zo haka vola amin'ireo mpandika lalàna mifehy ny Jono.
- Raha misy ny fakana vola dia tsy maintsy misy ny " reçu " ary misoratra ao anatiny ny anaran' olona naka vola.
- Raha toa ka misy olona maka vola tsy manaraka ireo fepetra voalaza ambony ireo dia azo toriana eny amin 'ny Fanjakana mahefa io olona io.
- Mba hanatsarana ny fitantanana dia afaka manantona ny CSP ny rehetra.
MOMBA NY FIOMPIANA FILAO ANATY " CAGES " :
- Anjaran'ny Foibe-pitondran'ny Jono no mijery ny toerana ao anatin'ny matsabory tsara anaovana ny fiompina filao anaty karakara (cages).
- Anjaran'ny Foibe-pitondran'ny Jono koa no manao fiompiana anaty karakara "pilote" mialohan'ny fanapariahana azy.
SAMIHAFA :
- Ho ezahana ny fitadiavana ny lalam-bola hanatanterahana izany.
- Vinavinaina ny fametrahana fitaovam-pangatsiahana manakaiky ny mpamokatra.
- Ny tetik'asa rehetra izay mikasika mivantana na ankolaka ny sehatry ny jono dia tsy maintsy mahazo fankatoavana avy amin 'ny
  Sampandraharahana miandraikitra ny Jono.
- Ho jerena akaiky ny famoahana ny vokatra entin 'ny Camion eny amin 'ny "Bac" rehefa Asabotsy.