FAMOAHANA IREO
MPIANATRA AVY AO AMIN'NY EASTA AMBOROVY MAHAJANGA
20 MIANADAHY AVY AMIN'NY LALAM-PIOFANANA JONO ARY
20 AVY AMIN'NY LALAM-PIOFANANA FIOMPIANA
Tontosa tamin'ireo faritra maro eto amin'ny Nosy
izay misy ny sekoly fiofanana momba ny fambolena,
ny fiompiana ary ny jono (EASTA) ny famoahana ireo
andiana tanora avy amin'ny faritany 6. Sekoly eo ambany
fiadidian'ny Minisiteran'ny Fambolena , ny Fiompiana
ary ny Jono. Anisan'ireo sekoly namoaka ny andiany
faha-8 izay mitondra ny anarana heo : FITARATRA (
Firaisan-kina , Tarigetra, Rafitra, Traikefa) ny sekoly
EASTA Amborovy Mahajanga. Tanora miisa 40 mianadahy
ka ny 20 avy ao amin'ny lalam-piofanana jono, ny 20
sisa nifidy ny lalam-piofanana fiompiana no notolorana
ny mari-pahaizana DTA( Diplôme de Technicien
Agricole) rehefa niofana nandritra ny 3 taona. Nisy
koa ny fanolorana mari-boninahitra Chevalier de l'Ordre
National tamin'ireo mpandraharaha 3 izay nahavita
be tao amin'ny sekoly.
Solontenam-panjakana avy any amin'ny faritr'i Mahajanga
nosoloan'ny Lefitry ny PDS tena, sivily sy miaramila
, ny solotenan'ny Minisiteran'ny Fambolena , ny Fiompiana,
ny Jono niaraka tamin'ny lehiben'ny sampan-draharaha
miadidy ny fiofanana DAJARH ary ireo fianakavian'ny
mpianatra nivoaka no nanome voninahitra ny lanonana..
Nomarihin'ireo rehetra izay nandray fitenenana fa
tanora afaka hiatrika asa mivantana avy hatrany no
ilain'ny firenena.Tombontsoa ho an'ny tanora nahazo
fiofanana tahaka izao ny mampiasa ny fahaizana noratoviny
tao amin'ny sekoly ka hanana saina tia karokaroka
sy liam-pivoarana ary tia mamoron-javatra fa tsy hiandry
fanampiana avy amin'ny hafa fotsiny.
MAEP-DDP
Service de la Communication,
De l'Information et de la Documentation
--------------
Date : 28 Décembre 2004
Rédacteur : Emile RAKOTOARISOA
-------------------------------------------------------------------------------------------------
