Hai-tao,
fomba fambolem-bary mampitombo ny vokatra ny SRI
1. FOTOTRA IANKINANY
-
Ketsa zaza : roa ravina ( 6 - 15 andro)
-
Ketsa laha-tokana
-
Fiavana matetika (in-telo raha kely indrindra)
-
Fitantanan-drano ara-dàlana sy sahaza arakaraky ny filan'ny
vary
2. AMBIOKA
Ny karazam-bary rehetra dia azo ampiasaina hanaovana S.R.I
Ny ambioka tsara no :
-
Manome ketsa matanjaka,
- Miteraka
zana-bary betsaka,
- Manome
vokatra tsara
Ny fampiasana ambioka nohatsaraina dia antoka
iray manampy amin 'ny fampitomhoana ny voka-bary
Fatra ilaina
FATRA |
VELARAN-TANINKETSA |
VELARAN-TANIMBARY |
6-8 kilao na 30-40 kapoaka safovavany |
1 ara |
1 hekitara |
1 kapoaka safovavany |
3m2 |
300m2 na 3ara |
1/3 kapoaka |
1m2 |
100m2 na 1ara |
3. ZEZIKA
Tsy maintsy hitondrana ny sakafo sahaza azy ny vary mba hahafahany maniry tsara. Endrika
maromaro no hitondrana izany sakafo izany :
| KARAZANY |
FATRA |
FOTOANA HITONDRANA AZY |
FANAMARIHANA |
Zezi-pahitra na zezi-pako masaka tsara (T/Ha) |
15-20 |
Alohan’ny hiasana ny tany |
Mitondra sakafo no sady manatsara ny firafitry ny nofon-tany, noho izany tokony entina foana |
Zezika mineraly: Raha hita fa miha-kotra ny tany dia tokony mitondra zezika mineraly |
N-P-K (Kg/Ha) |
200-300 |
Alohan’ny fanetsana |
|
Na D.A.P (Kg/Ha) |
200-300 |
Alohan’ny fanetsana |
|
Urée (Kg/Ha) |
100 |
Alohan’ny fisakelehana
Alohan’ny misondro-dreny |
Atao in-droa mitondra |
Fertil’S (Kg/Ha) |
20 |
Miaraka amin’ny Urée |
Raha ilaina |
4. FITANTANAN-DRANO :
- omena ny vary ny rano sahaza mba haniriany tsara .
- Foto- drafitr'asa ara-dalàna sy voakojakoja tsara no ahafahana mitantana tsara ny rano:
mampiditra na mamoaka fana arak'izay ilaina.
Ny Filàn'ny vary
FOTOANA
|
AHAVON’NY RANO
|
ANTONY
|
Fanetsana sy ny 3-4 andro aorian’ny fanetsana |
Fotaka marihitra |
1 hekitara |
Fisakelehana na fivoahan’ny zana-bary |
3-2 sm
Misy fotoana, avela ho maina mitriatra ny tanimbary |
Manafaingana ny fiforonan’ny zana-bary
Mitondra rivotra ho an’ny tany
Mampitombo ny faka
Manamora ny fahazoana ny sakafo
Mampatanjaka ny taho |
Fiterahana sy mandritry ny fiforonan’ny voa |
3-4sm |
Miantoka ny fiakaran’ny sakafo any amin’ny voa
Mampitovy tantana ny fahafenoan’ny voa |
Fahamatoana |
Tsy mampiditra rano intsony – avela ho maina |
Manafaingana sy mampitovy tantana ny fahamasahan’ny voa |
5. FITAOVAM-PAMOKARANA
Ankoatry ny fitaovana entina miasa sy mamotika ny tany dia misy ny fitaovam-pamokarana tokony hananana mba hahamora sy hahafaingana ny fanatanterahana ny asa toy ny :
- Planeuse : hanarenana ny fotaka mba hampitovy tantana ny tanimbary
- Rayonneur: hamaritana ny toerana asiana ny ketsa raha tsy hampiasa tady
- milina fiavana : Asa vita tsara syara-potoana
6. TEKNIKAM-PAMBOLENA
6.1. Taniketsa :
- Ny ketsa vohitra no fomba tsara indrindra ahazoana zana-ketsa tanora sy matanjaka,
- Azo atao eny an-tanin'anana, an-jaridaina, na eny an-tanety.
Fifidianana ny Taniketsa
- Tany lonaka , tsy azon’ny akoho amam-borona,
- Toerana akaiky rano mba hahamora ny fanondrahana
Fanomanana ny taniketsa
Aorian'ny fiasana ny tany sy famotehana ny bainga dia amboarina ny planche
ASA ATAO |
ANTONY |
- 1metatra ny sakany, ny halavany miova araka ny hamaroan’ny ketsa vokarina |
- Mba hahamora ny fikarakarana (fanondrahana,…) |
Fisakelehana na fivoahan’ny zana-bary |
|
Arovana tsara ary asiana zezika masaka tsara eo amin’ny 10 sm eo amboniny |
-Mafana ny zezika ka manafaingana ny fanirin’ny vary
- Mitana ny hamandoana ny zezika (manamaivana ny asa fanondrahana )
- Mora sorohina ny ketsa, mihintsana ho azy ny zezika rehefa afindra |
Famafazana
- Tondrahana tsara ny taniketsa alohan’ny hamafazana
- Atao manify sy mitovy tantana tsar any famafazana ny ambioka vaky vazana mba:
- Tsy hifamatopatotra ny fakam-bary
- Hahazo hazavana tsara ny zana-ketsa ka tsy hifaninana hihalava fa kosa fohifohy nefa matanjaka
- Saronana zezika voasivana manify
Fikojakojana
- Tondrahana araka ny filana (met y ho maraina sy hariva na isaky ny roa andro - tsy avela ho
maina ny zezika)
- 6 andro ,ka hatramin -ny 15 andro raha be indrindra no fotoana fijanonany eny an-taniketsa
6.2. Tanimbary
6.2. 1. Fikarakarana
Iray volana alohan’ny fanetsana fara-fahakeliny:
- Araraka ny zezi-pahitra
-
Asaina ny tanimbary
Alohan’ny fanetsana
Ny fikarakarana ny tany dia atomboka miaraka amin'ny fikarakarana ny masomboly
- Andro voalohany : ampidiran-drano ny tanimbary
- Andro faharoa : Hosena ary avela hitsika ny rano
- Andro fahatelo : Fakoina ny ahitra tsy lo
Averina in-droa na in-telo ireo asa ireo ka amin'ny farany dia fotaka marihitra madio, tsy
misy ahitra intsony no azo;
Asiana tatatra manodidina mba hahamora ny fampidirana sy ny famoahana ny rano ( eo
amin'ny 30 - 40 sm eo ho eo ny halaliny)
Hamarinina tsara ny tanimbary mba tsy hisy avo sy iva;
6.2.2. Fanetsana
Fikarakarana ny ketsa
- Sorohina ny ketsa dia entina eny an-tanimbary (30 minitra na ara iray alohan'ny hanetsana raha be indrindra)
-
Raha toa ka tsy mampiasa tady dia faritana amin'ny rayonneur ny toerana hipetrahan'ny ketsa,
- Raisina tsirairay ny ketsa,
- Kendrena mba tsy hisy tapaka ny fakany ary tsy hihintsana ny voam-bary sy ny bainga kely
manaraka azy,
- Tsy sasana na akifika ny ketsa, ilay bainga kely mantsy no miaro azy tsy hiato amin'ny
faniriny.
Fanetsana
- Atao manara-tsipika mba hahamora ny fikojakojana, mielanelana 25 sm × 25 sm ka hatramin’ny 40 sm × 40 sm arakaraky ny faritra (toetr’andro) sy ny fahalonaky ny tany
- Aketsa tsirairay (laha-tokana)
- Asosa sy tsindriana moramora amin’ny ankihibe ao anaty fotaka mba hilentika eo amin’ny 1 sm eo ho eon y fakany ary kendrena mba tsy hiforitra.
6.2.3. Fikojakojana
Fitantana-drano
- Tsy ampidiran-drano raha tsy 2 na 4 andro aorian'ny fanetsana (arakaraky ny toe-tany).
- Amin'ny alina no ampidirana ny rano araka ny ahavony ilaina ary avela hitsika amin'ny antoandro.
Hahazo hafanana koa ny tanimbary amin'izay.
- Raha diso be loatra ny rano amin'ny fotoan'ny orana dia avoaka amin'ny alalan'ireo tatatra manodidina
any amin'ny tatatra fanarian-drano.
- Raha azo atao dia kendrena mba tsy hisy ny fanarian-drano be loatra satria :
* ny rano dia sarobidy ka tokony tsy ho verivery foana,
* ny zezika entina izay levona ao anaty rano dia ho very miaraka amin'ny rano avoaka ny
tanimbary
fehiny : ny rano sahaza ihany no tokony ampidirina
Fiavana
- 7 na 10 andro aorian'ny fanetsana no atao ny fiavana voalohany, tsy avela hipi-bololona ny
ahitra fa tonga dia kosehina,
- Averina in-telo na in'efatra izany ary mielanelana 7 na 10 andro
Roa loha no zava-kendrena amin'ny fiavana :
- Famonoana ny ahi-dratsy mba hisorohana ny fifaninanana ara-tsakafo amin'ny vary,
- Fanomezana rivotra ny tany sy ny fakam-bary ka hampiroborobo azy.
Fitondrana ny zezika fanampiny
(Jereo 3.Zezika)
Fitsaboana raha misy aretina na bibikely
Tokony atao rehefa ilaina
Fiotazana
Atao ara-potoana (tsy aloha loatra, tsy tara loatra) mba tsy hisian'ny fahaverezana be loatra
6.3. Fikarakarana aorian'ny fiotazana
Kendrena mba ho faran'izay kely ny very sy ny fahasimbana :
- Hatsaraina ny fomba fivelezam-bary : famoloana madio tsara na mampiasa lafika (gaine
plastique)
- Vokatra voadio sy maina ara-dalàna tsara no tahirizina
- Toerana maina tsara ivezivezen'ny rivotra sy voaaro amin'ny bibikely sy voalavo no hitahirizana ny vokatra
FT SRI - DirAgri - Septembre 2007